రెండో పెళ్లిపై క్లారిటీ ఇచ్చిన సురేఖావాణి..

తాజాగా ‘నిరమ్’ ట్రైలర్ విడుదల కార్యక్రమంలో పాల్గొన్న నటి సురేఖావాణి, తన వ్యక్తిగత జీవితంపై వస్తున్న పుకార్లకు స్పష్టమైన సమాధానం ఇచ్చారు. తనకు రెండో పెళ్లి చేసుకునే ఆలోచనే లేదని, అలాంటి నిర్ణయం తీసుకోవాలనుకుంటే ఇప్పటివరకు ఎదురుచూడాల్సిన అవసరం ఉండేదే కాదని చెప్పారు. ప్రస్తుతం తన కూతురి పెళ్లి గురించి ఆలోచించే దశలో ఉన్నానని కూడా ఆమె పేర్కొన్నారు.

సోషల్ మీడియాలో వచ్చే ట్రోలింగ్‌పై స్పందిస్తూ, తనకు నచ్చిన విధంగా ఫొటోలు పోస్ట్ చేస్తానని, ఇతరులు ఏమనుకుంటారనే విషయం గురించి తాను ఆలోచించనని స్పష్టం చేశారు. తన జీవితం, తన నిర్ణయాలకే ప్రాధాన్యం ఇస్తానని, విమర్శలను పట్టించుకోవడం చాలా కాలం క్రితమే మానేశానని తెలిపారు. ఆమె చేసిన ఈ వ్యాఖ్యలు ప్రస్తుతం సోషల్ మీడియాలో విస్తృతంగా చర్చనీయాంశమయ్యాయి.