హైదరాబాద్‌లో భారీ వర్షం బీభత్సం..

హైదరాబాద్ నగరంలోని పలు ప్రాంతాల్లో భారీ వర్షం కురిసింది. జూబ్లీహిల్స్, బంజారాహిల్స్, నానక్‌రామ్‌గూడ, మణికొండ, షేక్‌పేట్, టోలిచౌకి, రాజేంద్రనగర్ ప్రాంతాల్లో కుండపోత వర్షం పడింది. ఒక్కసారిగా కురిసిన వర్షంతో రహదారులపైకి నీరు చేరి ప్రజలు, వాహనదారులు ఇబ్బందులు ఎదుర్కొన్నారు. నగరంలోని పలు ప్రాంతాల్లో సాధారణ జనజీవనం ప్రభావితమైంది.

భారీ వర్షం కారణంగా కొన్ని ప్రాంతాల్లో విద్యుత్ సరఫరాకు అంతరాయం ఏర్పడింది. మరోవైపు రహదారులపై ట్రాఫిక్ రద్దీ పెరగడంతో వాహనదారులు తీవ్ర ఇబ్బందులు పడ్డారు. వర్షం కారణంగా వాహనాల రాకపోకలు నెమ్మదించడంతో పలుచోట్ల ట్రాఫిక్ జామ్ ఏర్పడింది. దీంతో ప్రయాణికులు తమ గమ్యస్థానాలకు చేరుకోవడానికి ఆలస్యమైంది.