ఎస్ ఎస్ క్రియేషన్స్ ఘన రీ ఎంట్రీ..

సురేంద్ర యర్లగడ్డ స్థాపించిన ఎస్ ఎస్ క్రియేషన్స్ సంస్థను సుప్రియా యర్లగడ్డ మళ్లీ పునరుద్ధరిస్తున్నారు. ఒకప్పుడు శివ, గాయం వంటి వినూత్న చిత్రాలను నిర్మించిన ఈ బ్యానర్ ఇప్పుడు డాకాయిట్ అనే ప్రేమ-యాక్షన్ కథా చిత్రంతో తిరిగి ప్రారంభమవుతోంది. ఈ చిత్రంలో అడివి శేష్ ప్రధాన పాత్రలో నటిస్తున్నారు. ఈ సందర్భంగా ఎస్ ఎస్ క్రియేషన్స్ కొత్త లోగోను వెంకట్ అక్కినేని ఆవిష్కరించారు.

ఈ కార్యక్రమంలో సుమంత్ మాట్లాడుతూ సుప్రియా చేసిన కృషిని ప్రశంసించారు. సుప్రియా మాట్లాడుతూ కొత్త లోగోలో కుటుంబ వారసత్వానికి సంబంధించిన భావోద్వేగాలు ప్రతిబింబిస్తాయని చెప్పారు. తాతయ్య సరళత, అమ్మమ్మ గౌరవం, తరాల మధ్య అనుబంధాన్ని సూచించే అంశాలు ఇందులో ఉన్నాయని వివరించారు. ఈ పునఃప్రారంభంతో తన తండ్రి వారసత్వాన్ని కొనసాగిస్తూ భావప్రధానమైన సినిమాలను అందించాలనే లక్ష్యంతో ముందుకు సాగుతున్నట్లు తెలిపారు.