ప్రసవంపై అవగాహన పెంచుకుంటున్న సమంత

స్టార్ హీరోయిన్ సమంత ప్రస్తుతం తన గర్భధారణ సమయాన్ని ఆస్వాదిస్తూ, భర్త, ప్రముఖ దర్శకుడు రాజ్ నిడిమోరుతో కలిసి తొలి బిడ్డకు స్వాగతం పలికేందుకు సిద్ధమవుతున్నారు. ఈ క్రమంలో ఆమె తాజాగా ఇన్‌స్టాగ్రామ్‌లో “ఆగస్ట్ ఎనర్జీ” అనే క్యాప్షన్‌తో కొన్ని ఫొటోలను పంచుకున్నారు. అందులో సోఫాలో విశ్రాంతి తీసుకుంటూ ఇనా మేస్ గైడ్ టు చైల్డ్‌బర్త్ పుస్తకాన్ని చదువుతున్నట్లు కనిపించారు. ఈ పుస్తకం కాబోయే తల్లిదండ్రులకు ప్రసవానికి సంబంధించిన వివిధ అంశాలపై అవగాహన కల్పిస్తుంది. అలాగే జిమ్ సెల్ఫీలు, భర్త పుట్టినరోజు వేడుకలకు సంబంధించిన మధుర క్షణాలను కూడా ఆమె షేర్ చేశారు.

గత జూన్‌లో హైదరాబాద్‌లో జరిగిన మా ఇంటి బంగారం సక్సెస్ మీట్‌లో సమంత తన గర్భధారణ విషయాన్ని అధికారికంగా ప్రకటించారు. సినిమా తర్వాత ఆరోగ్య కారణాల దృష్ట్యా కొంతకాలం విరామం తీసుకుని, మెటర్నిటీ లీవ్ అనంతరం మళ్లీ సినిమాల్లోకి వస్తానని ఆమె తెలిపారు. సమంత 2025 డిసెంబర్‌లో కోయంబత్తూరులోని ఈశా యోగా సెంటర్‌లో రాజ్ నిడిమోరును వివాహం చేసుకున్నారు.