బేబీ బంప్ లేటెస్ట్ ఫొటో షేర్ చేసిన సమంత

ప్రముఖ నటి సమంత త్వరలోనే మాతృత్వపు మధురిమలను ఆస్వాదించబోతున్నారు. భర్త, ప్రముఖ దర్శకుడు రాజ్ నిడిమోరుతో కలిసి తమ మొదటి సంతానాన్ని ఆహ్వానించేందుకు సిద్ధమవుతున్న ఆమె, తన ప్రెగ్నెన్సీ ప్రయాణానికి సంబంధించిన విశేషాలను ఎప్పటికప్పుడు సోషల్ మీడియా ద్వారా అభిమానులతో పంచుకుంటున్నారు.

తాజాగా సమంత తన ఇన్‌స్టాగ్రామ్ ఖాతాలో బేబీ బంప్‌తో ఉన్న ఒక సరికొత్త ఫొటోను పోస్ట్ చేశారు. సాధారణంగా సెలబ్రిటీలు మెటర్నిటీ సమయంలో భారీ సెట్టింగులు, డిజైనర్ డ్రెస్సులతో గ్రాండ్‌గా ఫొటోషూట్‌లు చేస్తుంటారు. అయితే సమంత మాత్రం ఎంతో భిన్నంగా, సాధారణ వాతావరణంలో కనిపించి అందరినీ ఆకట్టుకున్నారు. ఇంట్లోని సోఫాపై ప్రశాంతంగా కూర్చుని సేదతీరుతున్న ఒక క్యాజువల్ ఫొటోను ఆమె పంచుకున్నారు. రెడ్ కలర్ టాప్, వైట్ ట్రౌజర్ ధరించి, బ్లాక్ సన్‌గ్లాసెస్‌తో చాలా కూల్‌గా ఉన్న లుక్‌లో బేబీ బంప్‌ను సున్నితంగా పట్టుకుని ఆమె కనిపించారు. ఈ ఫొటోకు "దీనినే నా మెటర్నిటీ షూట్‌గా భావించండి" అంటూ ఒక సరదా క్యాప్షన్ జోడించారు.

సమంత పోస్ట్ చేసిన ఈ ఫొటో కొద్దిసేట్లోనే నెట్టింట వైరల్‌గా మారింది. అభిమానులు, నెటిజన్లు పెద్ద సంఖ్యలో స్పందిస్తూ ఆమెపై ప్రేమను కురిపించారు. "ఇప్పటివరకు చూసిన వారిలో అత్యంత కూలెస్ట్ కాబోయే తల్లి" అని ఒక అభిమాని ప్రశంసించగా.. "పుట్టబోయే బిడ్డ ఇప్పుడే అందరి దృష్టిని ఆకర్షిస్తోంది", "త్వరలోనే జూనియర్ సమంత రాబోతోంది" అంటూ పలువురు నెటిజన్లు కామెంట్ల రూపంలో తమ శుభాకాంక్షలు తెలిపారు.