వంశీ పైడిపల్లి దర్శకత్వంలో సల్మాన్ కొత్త సినిమా

బాలీవుడ్ హీరో సల్మాన్ ఖాన్ ‘సికందర్’ సినిమా ఆశించిన ఫలితం ఇవ్వకపోవడంతో ఇప్పుడు ‘మాతృభూమి’ అనే కొత్త సినిమాపై దృష్టి పెట్టారు. ఈ సినిమాలో నటిస్తూ, ఆయన తదుపరి సినిమాల కోసం కూడా ప్లాన్ చేస్తున్నారు. ఈ క్రమంలో తెలుగు దర్శకుడు వంశీ పైడిపల్లి, నిర్మాత దిల్ రాజులతో కలిసి పని చేస్తున్నట్లు సమాచారం. ఈ సినిమా షూటింగ్‌ను ఏప్రిల్‌లో ప్రారంభించేందుకు సిద్ధమవుతున్నారు.

ఈ సినిమా కోసం ముంబయిలో పెద్ద సెట్ నిర్మిస్తున్నారు. ఎస్‌ఆర్‌పీఎఫ్ గ్రౌండ్‌లో చిన్న నగరంలా కనిపించేలా సెట్ వేస్తున్నారు. ముఖ్యంగా యాక్షన్ సీన్స్ కోసం ప్రత్యేక ఏర్పాట్లు చేస్తున్నారు. ప్రస్తుతం సినిమా టీమ్ సెట్ డిజైన్, ఫైట్స్, నటీనటుల ఎంపిక వంటి పనుల్లో బిజీగా ఉంది. బాలీవుడ్‌తో పాటు దక్షిణాది నటులు కూడా ఇందులో నటించనున్నారు. ఈ కథ సల్మాన్ ఖాన్‌కు బాగా నచ్చిందని, దర్శకుడు ఆయనను కొత్తగా చూపించబోతున్నారని చెబుతున్నారు.