అఖండ–2 నిర్మాతలకు హైకోర్టు లో ఊరట

అఖండ 2 టికెట్ రేట్ల అంశంలో డివిజన్ బెంచ్ నుంచి నిర్మాతలకు తాత్కాలిక ఊరట లభించింది. టికెట్ రేట్ల పెంపును అనుమతించిన ప్రభుత్వ జీవోను రద్దు చేసిన సింగిల్ బెంచ్ తీర్పును డివిజన్ బెంచ్ సస్పెండ్ చేసింది. దీంతో ఆ జీవో మరోసారి అమల్లోకి వచ్చినట్టైంది,అంటే పెరిగిన రేట్లు తాత్కాలికంగా అమల్లో కొనసాగే అవకాశం లభించింది.

అయితే టికెట్ రేట్లపై తుది నిర్ణయం ఇంకా వెలువడాల్సి ఉంది. ఈ మధ్యలో, నిర్మాతలు, బుక్ మైషో, రాష్ట్ర ప్రభుత్వం నుంచి పూర్తి వివరాలు తెలుసుకునేందుకు హైకోర్టు విచారణను కొనసాగిస్తోంది. కోర్టు ఆదేశాల అమలు, ఆన్‌లైన్ విక్రయాలు, సవరించిన రేట్లపై స్పష్టత కోసం వచ్చే రోజుల్లో కోర్టు మరిన్ని విచారణలు నిర్వహించే అవకాశం కనిపిస్తోంది.