రియలిస్టిక్ వయలెంట్ లవ్ స్టోరీ "కాక్రోచ్" వచ్చే నెల గ్రాండ్ రిలీజ్

అవార్డులు మరియు ప్రేక్షకుల ప్రశంసలు అందుకున్న దర్శకుడు పి. సునీల్ కుమార్ రెడ్డి రూపొందించిన రియలిస్టిక్ వయలెంట్ లవ్ స్టోరీ కాక్రోచ్  వచ్చే నెల 6 న గ్రాండ్ థియేట్రికల్ రిలీజ్‌కు సిద్ధమవుతోంది. సొంత ఊరు, గంగపుత్రులు, గల్ఫ్ వంటి చిత్రాల తరువాత, ఈ చిత్రం కూడా నిజ సంఘటనల ఆధారంగా రొమాంటిక్ క్రైమ్ కథగా తెరకెక్కించబడింది. అభిలాష్ సుంకర, ప్రేమసన్, నవీన్, తీర్థ ప్రధాన పాత్రల్లో నటించి, శ్రీ లక్ష్మి పిక్చర్స్ బ్యానర్‌పై బి. బాపిరాజు, ముతుకి నాగసత్యనారాయణ నిర్మించారు. విశాఖ మరియు గాజువాక ప్రాంతాల నిజ జీవిత సంఘటనల ఆధారంగా, సమాజంలోని కఠినతలను రొమాంటిక్ క్రైమ్ కథ ద్వారా చూపించడమే ఈ చిత్ర లక్ష్యం.

హైదరాబాద్ ఫిలింఛాంబర్‌లో జరిగిన ప్రెస్ మీట్‌లో, నిర్మాత బి. బాపిరాజు మాట్లాడుతూ, “సునీల్ కుమార్ రెడ్డితో గతంలో విజయవంతమైన చిత్రాల తర్వాత, ఈ కొత్త సినిమా ఒక భిన్నమైన ప్రయత్నం. సహజ లొకేషన్స్‌లో రిస్కీ షూట్‌లు చేశాం. సెన్సార్ బోర్డు ‘ఏ’ సర్టిఫికేట్ ఇచ్చింది. డైరెక్టర్ సునీల్ కుమార్ రెడ్డి స్క్రిప్ట్ కంటే మరింత బాగా సినిమాను రూపొందించారు. రొటీన్ సినిమాల తర్వాత ప్రేక్షకులకు కొత్త అనుభూతిని ఇవ్వబోతోంది.”

డైరెక్టర్ పి. సునీల్ కుమార్ రెడ్డి మాట్లాడుతూ , “నేను జర్నలిస్ట్‌గా కెరీర్ ప్రారంభించి, సమాజంలో చూసిన నిజాలను ప్రేక్షకులకు చూపాలని ఉద్దేశించాను. కాక్రోచ్ లో నిజ జీవిత నేరస్థుల సంఘటనలు, పోలీస్ సపోర్ట్ ఆధారంగా కథను రూపొందించాం. అడ్డు రోడ్డు మీద ఉండే వేశ్యకు మరియు క్రిమినల్ కు  మధ్య జరిగే ప్రేమ కథను డార్క్, బోల్డ్‌గా చూపించాము. చిన్న పిల్లలు, సున్నిత మనస్కులు దూరంగా ఉండాలి, కానీ సమాజంలోని కఠిన నిజాలను తెలుసుకోవాలనేవారికి సినిమా నచ్చుతుంది.”