రామాయణ పార్ట్ 1 రిలీజ్ డేట్ ఫిక్స్.. ఎప్పుడంటే?

నితీష్ తివారి దర్శకత్వంలో తెరకెక్కుతున్న ప్రతిష్టాత్మక చిత్రం రామాయణ పార్ట్ వన్ ప్రపంచవ్యాప్తంగా నవంబర్ 6, 2026న థియేటర్లలో విడుదల కానుందని సోనీ పిక్చర్స్ అధికారికంగా ప్రకటించింది. దీపావళికి కేవలం రెండు రోజుల ముందే విడుదల కానున్న ఈ చిత్రం పండుగ సీజన్‌ను లక్ష్యంగా చేసుకుని భారీ ఓపెనింగ్ సాధించేందుకు సిద్ధమవుతోంది. రణబీర్ కపూర్, యష్, సాయి పల్లవి ప్రధాన పాత్రల్లో నటిస్తున్న ఈ చిత్రం ఇప్పటికే విశేషమైన అంచనాలను సొంతం చేసుకుంది.

భారతీయ సినీ పరిశ్రమలో అత్యంత భారీ స్థాయిలో రూపొందుతున్న ప్రాజెక్టులలో రామాయణ ఒకటిగా నిలుస్తోంది. విడుదల తేదీ అధికారికంగా ఖరారవడంతో అభిమానుల్లో ఉత్సాహం మరింత పెరిగింది. ప్రపంచవ్యాప్తంగా భారీ స్థాయిలో విడుదల కానున్న ఈ చిత్రం బాక్సాఫీస్ వద్ద విశేష స్పందన అందుకుంటుందనే అంచనాలు వ్యక్తమవుతున్నాయి.