రామ్‌ పోతినేని కొత్త లుక్ వైరల్‌!

రామ్ పోతినేని హీరోగా సంయుక్త మీనన్ హీరోయిన్‌గా నటిస్తున్న యాక్షన్ చిత్రానికి రామ్ స్వయంగా దర్శకత్వం వహిస్తున్న సంగతి తెలిసిందే. నటుడిగా కొనసాగుతూనే దర్శకుడిగా కూడా బాధ్యతలు చేపట్టి ఈ ప్రాజెక్ట్‌ను రామ్ వేగంగా పూర్తి చేస్తున్నారు. తాజాగా ఈ సినిమాకు సంబంధించిన 2వ షెడ్యూల్ పూర్తయినట్టు చిత్రబృందం ఓ వీడియో రూపంలో తెలియజేసింది.

ముఖ్యంగా రాత్రి వేళల్లో తెరకెక్కించిన యాక్షన్ సన్నివేశాలపై ఈ వీడియోలో ప్రత్యేకంగా చూపించారు. ఇదే సమయంలో రామ్ కొత్త లుక్ కూడా ప్రేక్షకుల దృష్టిని ఆకర్షించింది. ఇందులో ఆయన కొంచెం పొడవాటి జుట్టుతో, పూర్తిగా గడ్డంతో కనిపిస్తున్నారు. గతంలో రెడ్ సినిమాలో కనిపించిన లుక్‌ను గుర్తు చేసేలా ఈ రూపం ఉండటంతో అభిమానుల్లో ఆసక్తి పెరిగింది. ఈ యాక్షన్ ప్రాజెక్ట్‌కు సామ్ సి ఎస్ సంగీతం అందిస్తుండగా, కృష్ణ పోతినేని నిర్మిస్తున్నారు. ఈ ఏడాదిలోనే విడుదలకు సన్నాహాలు జరుగుతున్నాయి.