రామ్ చరణ్ నుంచి మరో దేశభక్తి కథా..

‘ది ఇండియన్ హౌస్’ సినిమా నుంచి ఆసక్తికరమైన అప్డేట్ బయటకు వచ్చింది. ఈ చిత్రంలో టెలివిజన్ నటుడు శివ రవి తేజ స్వాతంత్ర్య సమరయోధుడు ఎం.పీ.టి ఆచార్య పాత్రలో కనిపించనున్నాడు. యూరప్‌లో భారత స్వాతంత్ర్యం కోసం పోరాడిన విప్లవకారుడి పాత్రను ఆయన పోషిస్తున్నట్లు చిత్రబృందం వెల్లడించింది. నిఖిల్ సిద్ధార్థ హీరోగా నటిస్తున్న ఈ చిత్రాన్ని మెగా పవర్ స్టార్ రామ్ చరణ్ నిర్మిస్తున్నారు.

దేశభక్తి భావోద్వేగాలు, చారిత్రక అంశాలతో ఈ సినిమా తెరకెక్కుతున్నట్లు సమాచారం. ఇందులో శివ రవి తేజ పాత్ర కథలో కీలకంగా ఉండబోతుందని సినీ వర్గాల్లో చర్చ జరుగుతోంది. రామ్ చరణ్ నిర్మాణంలో తెరకెక్కుతున్న ఈ సినిమాపై ఇప్పటికే మంచి అంచనాలు నెలకొన్నాయి.