బిజీ షెడ్యూల్ నుంచి ప్రభాస్‌కు విరామం

పాన్ ఇండియా స్టార్ ప్రభాస్ వరుస షూటింగ్‌లతో బిజీగా ఉండటంతో కొంత అలసటకు గురయ్యారు. దీంతో ఆయన చిన్న విరామం తీసుకుని బేగంపేట విమానాశ్రయం నుండి ఇటలీకి వెకేషన్‌కు వెళ్లారు. కొన్ని రోజులు విశ్రాంతి తీసుకుని తిరిగి హైదరాబాద్‌కు రానున్నారు. అభిమానులు కూడా ఆయన ఈ బ్రేక్ తీసుకోవడంపై సంతోషం వ్యక్తం చేస్తున్నారు.

ది రాజా సాబ్ తర్వాత ప్రభాస్ తన తదుపరి చిత్రాలపై దృష్టి పెట్టారు. ప్రస్తుతం హను రాఘవపూడి దర్శకత్వంలో ఫౌజీ, సందీప్ రెడ్డి వంగా దర్శకత్వంలో స్పిరిట్ సినిమాలతో బిజీగా ఉన్నారు. ఈ బ్రేక్ తర్వాత కల్కి 2898 AD సీక్వెల్ షూటింగ్‌లో కూడా పాల్గొనే అవకాశం ఉంది. ఫౌజీ ఈ ఏడాది చివర్లో విడుదల కానుండగా, స్పిరిట్ వచ్చే ఏడాది మార్చిలో విడుదల కానుంది. కల్కి సీక్వెల్ విడుదల తేదీ ఇంకా ప్రకటించలేదు. ఈ చిన్న విరామం తర్వాత ప్రభాస్ మళ్లీ వరుస సినిమాలతో బిజీ కానున్నారు.