ప్రభాస్ గొప్ప మనసు మరోసారి వెలుగులోకి

డార్లింగ్ స్వామి ఇటీవల ఓ ఇంటర్వ్యూలో మాట్లాడుతూ, ప్రభాస్ నటించిన డార్లింగ్ సినిమా షూటింగ్ సమయంలో జరిగిన ఒక సంఘటనను పంచుకున్నారు. బ్యాంకాక్‌లో షూటింగ్ జరుగుతున్న సమయంలో న్యూ ఇయర్ ఈవ్ రోజున ప్రభాస్ ప్రతి టెక్నీషియన్, వర్కర్‌ను వ్యక్తిగతంగా పిలిచి ఒక్కొక్కరికి 5000 భాట్స్ ఇచ్చి ఆనందంగా సెలబ్రేట్ చేసుకోవాలని పంపించినట్లు తెలిపారు.

ప్రభాస్ చాలా గొప్ప మనసున్న వ్యక్తి అని, తాను మాత్రమే ఆనందించాలనే భావన ఆయనకు ఉండదని డార్లింగ్ స్వామి ప్రశంసించారు. కరుణాకరన్ దర్శకత్వంలో తెరకెక్కిన ఈ సినిమా కాజల్ అగర్వాల్ హీరోయిన్‌గా నటించింది. ఈ చిత్రం మంచి విజయాన్ని సాధించగా, రీ-రిలీజ్‌లో కూడా మంచి వసూళ్లు రాబట్టింది. ప్రస్తుతం ప్రభాస్ ఫౌజీ, స్పిరిట్, కల్కి 2 చిత్రాలతో బిజీగా ఉన్నారు.