ప్రభాస్ ‘డార్లింగ్’ మళ్లీ థియేటర్లలోకి.. 4K రీ-రిలీజ్‌కు రెడీ

SVCC (Sri Venkateswara Cine Chitra) తాజాగా పాన్-ఇండియా స్టార్ ప్రభాస్ మరియు కాజల్ అగర్వాల్ నటించిన రొమాంటిక్ కామెడీ సినిమా ‘డార్లింగ్’ రీ-రిలీజ్ ట్రైలర్‌ను అధికారికంగా విడుదల చేసింది. 2010లో విడుదలై భారీ విజయాన్ని సాధించిన ఈ చిత్రం ఇప్పుడు 4K టెక్నాలజీతో థియేటర్లలో మళ్లీ విడుదలకు సిద్ధమవుతోంది. ఈ ప్రకటనతో అభిమానుల్లో నాస్టాల్జియా వేవ్ మొదలైంది.

మేకర్స్ విడుదల చేసిన పోస్టులో “ఎప్పటికీ తగ్గని ప్రేమ… మరిచిపోలేని క్షణాలు” అంటూ సినిమా రీ-రిలీజ్ గురించి భావోద్వేగంగా వివరించారు. అసలు కథలో, అనవసరమైన పెళ్లి నుంచి తప్పించుకోవడానికి హీరో ఒక ఫేక్ లవ్ స్టోరీని క్రియేట్ చేయడం, ఆ ప్రయాణంలో నిజమైన ప్రేమను కనుగొనడం ప్రధాన కథాంశంగా ఉంటుంది. ఈ సినిమాకు ఏ. కరుణాకరన్ దర్శకత్వం వహించగా, జి.వి. ప్రకాష్ కుమార్ సంగీతం అందించారు. ఈ నెల 23న థియేటర్లలో విడుదల కానున్న ఈ రీ-రిలీజ్‌ను కేదార్ ఫిల్మ్స్ డిస్ట్రిబ్యూట్ చేస్తోంది.