గ్రాండ్ గా పెద్ది మూవీ విజయోస్తవ వేడుక

ప్రపంచవ్యాప్తంగా భారీ వసూళ్లతో దూసుకుపోతున్న ‘పెద్ది’ సినిమా విజయోత్సవ వేడుకలు హైదరాబాద్‌లోని శిల్పకళా వేదికలో అట్టహాసంగా నిర్వహించారు. రామ్ చరణ్, జాన్వీ కపూర్ ప్రధాన పాత్రల్లో నటించిన ఈ రూరల్ స్పోర్ట్స్ యాక్షన్ డ్రామాకు బుచ్చిబాబు సన దర్శకత్వం వహించారు. ఈ మెగా బ్లాక్‌బస్టర్ సెలబ్రేషన్స్‌కు మెగాస్టార్ చిరంజీవి, దర్శకుడు సుకుమార్ ముఖ్య అతిథులుగా హాజరై చిత్ర యూనిట్‌ను అభినందించారు.

ఈ సందర్భంగా చిరంజీవి మాట్లాడుతూ రామ్ చరణ్ నటనపై ప్రశంసలు కురిపించారు. ‘రంగస్థలం’ తర్వాత నటుడిగా మరొక మెట్టు ఎక్కాడని కొనియాడారు. సుకుమార్ మాట్లాడుతూ బుచ్చిబాబు తన శిష్యుడిగా ప్రారంభమై, ఇప్పుడు గురువునే మించే స్థాయికి చేరుకున్నాడని భావోద్వేగంగా అన్నారు. రామ్ చరణ్ అభిమానుల ప్రేమకు కృతజ్ఞతలు తెలుపుతూ ఈ విజయం మొత్తం చిత్ర బృందానిదేనని పేర్కొన్నారు. బుచ్చిబాబు ఈ వేడుక తన జీవితంలో చిరస్మరణీయ ఘట్టమని చెప్పారు. జాన్వీ కపూర్, నిర్మాతలు ప్రేక్షకుల ఆదరణకు ధన్యవాదాలు తెలపగా, ఏఆర్ రెహమాన్ సంగీత ప్రదర్శనలు వేడుకకు ప్రత్యేక ఆకర్షణగా నిలిచాయి.