నోరా ఫతేహి పాటపై వివాదం...

బాలీవుడ్ నటి నోరా ఫతేహి నటించిన ‘సర్కే చునార్ తేరీ సర్కే’ పాట సోషల్ మీడియాలో భారీ చర్చకు దారితీసింది. ఈ పాటలోని సాహిత్యం, డాన్స్ మూమెంట్స్ అసభ్యంగా ఉన్నాయని నెటిజన్లు తీవ్రంగా విమర్శిస్తున్నారు. ముఖ్యంగా కొన్ని పదాలు ద్వంద్వార్థాన్ని కలిగించాయని ఆరోపణలతో గీత రచయిత రఖీబ్ ఆలం పై విమర్శలు వెల్లువెత్తుతున్నాయి.

ఈ వివాదంపై స్పందించిన రఖీబ్ ఆలం, ఈ పాటను పూర్తిగా తానే రాయలేదని స్పష్టం చేశారు. దర్శకుడు ప్రేమ్ ముందుగా కన్నడలో ఉన్న పాటను హిందీలోకి అనువదించమని కోరారని తెలిపారు. మొదట అభ్యంతరకర పదాల కారణంగా నిరాకరించినప్పటికీ, టీమ్ ఒత్తిడితో అనువదించాల్సి వచ్చిందని చెప్పారు. వివాదం మరింత పెరగడంతో ఈ పాట హిందీ వెర్షన్‌ను యూట్యూబ్ నుంచి తొలగించినట్లు సమాచారం. అయినప్పటికీ ఈ పాటపై సోషల్ మీడియాలో చర్చలు ఇంకా కొనసాగుతూనే ఉన్నాయి.