అమెరికా పర్యటనకు రాహుల్ గాంధీ.. ప్రముఖ యూనివర్సిటీల్లో విద్యార్థులతో ముఖాముఖి

లోక్‌సభలో ప్రతిపక్ష నేత రాహుల్ గాంధీ అమెరికా పర్యటనకు సిద్ధమవుతున్నారు. ఈ పర్యటనలో భాగంగా నవంబర్ 17న న్యూయార్క్‌లోని కొలంబియా యూనివర్సిటీలో విద్యార్థులు, విద్యావేత్తలతో ఆయన ముఖాముఖి కార్యక్రమంలో పాల్గొననున్నారు. అనంతరం నవంబర్ 18న చికాగో యూనివర్సిటీలోనూ విద్యార్థులతో సమావేశం కానున్నారు.

నవంబర్ 16న తన తల్లి, కాంగ్రెస్ మాజీ అధ్యక్షురాలు సోనియా గాంధీ పుస్తక ఆవిష్కరణ కార్యక్రమంలో పాల్గొన్న తర్వాత అదే రోజు రాహుల్ గాంధీ అమెరికాకు బయలుదేరనున్నారు. ఈ పర్యటనలో ప్రముఖ విశ్వవిద్యాలయాల్లో జరిగే సమావేశాల ద్వారా విద్యార్థులు, విద్యావేత్తలతో ఆయన అభిప్రాయాలను పంచుకోనున్నారు.