అనిల్ రావిపూడి ప్రమోషన్‌కు హద్దుల్లేవా?

ప్రముఖ గేయరచయిత అనంత శ్రీరామ్ ఇటీవల ఇచ్చిన ఇంటర్వ్యూలో సంగీత దర్శకుడు జీవీ ప్రకాష్, దర్శకుడు అనిల్ రావిపూడితో చేసిన పనిపై ఆసక్తికర విషయాలు వెల్లడించారు. ప్రస్తుతం ‘శ్రీ శ్రీ’, ‘ఇరుముడి’ చిత్రాలకు జీవీ ప్రకాష్ సంగీత సారథ్యంలో పని చేస్తున్నానని, అలాగే అనిల్ రావిపూడి దర్శకత్వంలో తెరకెక్కుతున్న సినిమాకూ పాటలు రాస్తున్నానని తెలిపారు.

ఆ సినిమా ప్రమోషనల్ వీడియో కోసం తాము తీవ్ర కష్టాలు పడ్డామని, తాను గంటసేపు ఇసుకలో పాతిపెట్టబడ్డానని చెప్పారు. ఇసుక బరువు కాళ్లపై పడటంతో ఇబ్బంది పడ్డానని, అయినా అనిల్ రావిపూడి కోసం ఏ కష్టమైనా సంతోషంగా స్వీకరిస్తానని అన్నారు. జీవీ ప్రకాష్ అయితే మూడు గంటల పాటు ఇసుకలో ఉండి మరింత కష్టపడ్డారని, బయటకు వచ్చిన తర్వాత ఆయన కాళ్లు సాధారణ స్థితికి రావడానికి సమయం పట్టిందని వెల్లడించారు.