కింగ్ నాగార్జున బర్త్‌డే స్పెషల్.. ‘శివ’ 4K రీ-రిలీజ్

నాగార్జున పుట్టినరోజు సందర్భంగా ఆయన కెరీర్‌లో ఐకానిక్ చిత్రంగా నిలిచిన శివ మరోసారి బిగ్ స్క్రీన్‌పై సందడి చేయనుంది. ఈ కల్ట్ క్లాసిక్‌ను ఆగస్టు 29న 4K వెర్షన్‌లో రీ-రిలీజ్ చేయనున్నారు. నాగార్జున బర్త్‌డే సందర్భంగా తెల్లవారుజామున ప్రత్యేక షోను నిర్వహించనున్నారు.

హైదరాబాద్ ఆర్టీసీ క్రాస్‌రోడ్స్‌లోని దేవి 70ఎంఎం థియేటర్‌లో ఈ స్పెషల్ షో జరగనుంది. త్వరలో బుకింగ్స్ ప్రారంభం కానున్నాయి. 4K క్వాలిటీలో శివను మరోసారి థియేటర్‌లో చూసే అవకాశం లభించడంతో నాగార్జున అభిమానుల్లో ఉత్సాహం నెలకొంది. ఈ రీ-రిలీజ్ ఆయన పుట్టినరోజు వేడుకలకు ప్రత్యేక ఆకర్షణగా నిలవనుంది.