మమితా బైజు తొలి నాయికా ప్రాధాన్య చిత్రం సిద్ధం

‘ప్రేమలు’ సినిమాతో యువతను ఆకట్టుకున్న మమితా బైజు ఇప్పుడు తన తొలి నాయికా ప్రాధాన్య చిత్రానికి సిద్ధమవుతున్నట్లు సమాచారం. త్వరలో ‘విశ్వనాథ్ అండ్ సన్స్’, ‘జన నాయగన్’ వంటి భారీ చిత్రాలతో ప్రేక్షకుల ముందుకు రానున్న ఆమె, ఇప్పుడు ఈ కొత్త ప్రాజెక్ట్‌తో మరో అడుగు ముందుకు వేస్తున్నారు. ‘లవ్ టుడే’, ‘రిటర్న్ ఆఫ్ ది డ్రాగన్’ సినిమాలతో గుర్తింపు పొందిన ప్రదీప్ రంగనాథన్ ఈ చిత్రంతో నిర్మాతగా మారనున్నట్లు తెలుస్తోంది.

ఆయన వద్ద అసిస్టెంట్ డైరెక్టర్‌గా పని చేసిన యువ దర్శకుడు ఈ సినిమాను తెరకెక్కించనుండగా, దర్శకుడు అశ్వత్ మారిముత్తు కీలక పాత్రలో కనిపించనున్నట్లు సమాచారం. ఈ చిత్రం ఇటీవల చెన్నైలో లాంఛనంగా ప్రారంభమైందని, త్వరలో అధికారిక ప్రకటన వెలువడే అవకాశం ఉందని తెలుస్తోంది. ఈ ప్రాజెక్ట్‌పై ఇండస్ట్రీలో మంచి ఆసక్తి నెలకొంది.