మహిళా వర్సిటీకి అంతర్జాతీయ గుర్తింపు!

తిరుపతి మహిళా విశ్వవిద్యాలయం అంతర్జాతీయ పరిశోధన రంగంలో మరో కీలక విజయాన్ని నమోదు చేసింది. ఇంటర్నేషనల్ రిలేషన్స్ కార్యాలయం సమన్వయంతో వివిధ విభాగాల అధ్యాపకులు ప్రపంచ ప్రఖ్యాత విశ్వవిద్యాలయాలతో కలిసి తొమ్మిది గ్లోబల్ పరిశోధనా ప్రాజెక్టులను నిర్వహిస్తున్నారు.

పీఎం ఉషా పథకం కింద తొమ్మిది విదేశీ సంస్థల భాగస్వామ్యంతో 58 పరిశోధనా ప్రాజెక్టులు కొనసాగుతున్నాయి. ఈ కార్యక్రమాల ద్వారా అధ్యాపకులు, పరిశోధకులకు ప్రపంచస్థాయి పరిశోధన అవకాశాలు, విదేశీ శాస్త్రవేత్తలతో కలిసి పనిచేసే అవకాశం, ఆధునిక ల్యాబ్ సాంకేతికతపై అవగాహన, అంతర్జాతీయ జర్నళ్లలో పరిశోధనా పత్రాల ప్రచురణ వంటి అనేక ప్రయోజనాలు లభిస్తున్నాయి.