ప్రధాని మోదీని కలిసిన ఖుష్బూ కుటుంబం

నటి, బీజేపీ నేత ఖుష్బూ సుందర్ కుటుంబం శుక్రవారం దిల్లీలో ప్రధాని నరేంద్ర మోదీని కలిసింది. తమ కుమార్తె అవంతిక వివాహానికి ఆహ్వానిస్తూ ఖుష్బూ, ఆమె భర్త సుందర్ సి ప్రధానికి శుభలేఖ అందజేశారు. ఈ భేటీలో అవంతికతో పాటు ఆమెకు కాబోయే భర్త శ్రవణ్ శ్రీనివాసన్ కూడా పాల్గొన్నారు.

ఈ సందర్భంగా తీసిన ఫొటోలను ఖుష్బూ సోషల్ మీడియాలో పంచుకుంటూ ప్రధాని మోదీకి కృతజ్ఞతలు తెలిపారు. బిజీ షెడ్యూల్‌లోనూ సమయం కేటాయించి ఆశీర్వదించినందుకు ధన్యవాదాలు తెలిపారు. అవంతిక మలయాళంలో ‘ఆరంభం’ చిత్రంతో నటిగా ఎంట్రీ ఇవ్వనుండగా, పెద్ద కుమార్తె ఆనందిత నిర్మాతగా వ్యవహరిస్తున్నారు.