నిహారిక ప్రొడక్షన్లో భారీ బడ్జెట్ మూవీగా నిలుస్తున్న బరి?

మెగా డాటర్ నిహారిక కొణిదెల నిర్మాతగా వరుస హిట్లు కొడుతున్నారు. ఇప్పుడు రాకాస సినిమాతో సందడి చేసేందుకు సిద్ధం అయ్యారు. ఇక తన పింక్ ఎలిఫంట్ పిక్చర్స్ బ్యానర్‌లో రాబోయే చిత్రం బరి గురించి ఆసక్తికర విషయాలు వెల్లడించారు. ఈ సినిమా తన బ్యానర్ నుండి వచ్చే అత్యధిక బడ్జెట్ చిత్రం అని ఆమె పేర్కొన్నారు. తన అన్న వరుణ్ తేజ్ హీరోగా యుదు వంశీ దర్శకత్వంలో పూర్తి స్పోర్ట్స్ డ్రామాగా ఈ సినిమా రూపొందుతోంది. ఈ సినిమా బడ్జెట్ వివరాల గురించి నిహారిక ఏమన్నారో చూద్దాం.

నిహారిక కొణిదెల నిర్మిస్తున్న రాకాస చిత్రం రేపు విడుదల కానుండగా, మరో ముఖ్య ప్రాజెక్ట్ బరి గురించి ఇంటర్వ్యూలో మాట్లాడింది. ఈ చిత్రానికి రూ.60 కోట్ల బడ్జెట్ కేటాయించారు. తన బ్యానర్ నుండి వచ్చే హైయెస్ట్ బడ్జెట్ మూవీ ఇదేనని ఆమె తెలిపింది. పాన్ ఇండియా స్థాయిలో రూపొందుతున్న ఈ సినిమాపై భారీ అంచనాలు ఉన్నాయి. వరుణ్ తేజ్ హీరోగా యుదు వంశీ డైరెక్షన్‌లో పూర్తి స్పోర్ట్స్ డ్రామాగా ఈ చిత్రం తెరకెక్కుతోంది. ఇటీవల ఈ సినిమా అఫీషియల్‌గా స్టార్ట్ అయింది. పాన్ ఇండియా స్థాయిలో నెక్స్ట్ లెవెల్ టార్గెట్‌తో నిహారిక ఈ ప్రాజెక్టును ముందుకు తీసుకెళ్తున్నారు.