నేడు ‘ఇరుముడి’ ట్రైలర్ రిలీజ్..

మాస్ మహారాజ రవితేజ హీరోగా, ప్రియా భవాని శంకర్ హీరోయిన్‌గా దర్శకుడు శివ నిర్వాణ తెరకెక్కించిన అవైటెడ్ ఎమోషనల్ థ్రిల్లర్ ‘ఇరుముడి’. ఇప్పటికే సినిమాపై మంచి బజ్ ఏర్పడగా, ఈ నెలలోనే చిత్రాన్ని గ్రాండ్‌గా ప్రేక్షకుల ముందుకు తీసుకురావడానికి మేకర్స్ సిద్ధమవుతున్నారు. సినిమా కోసం ఆసక్తిగా ఎదురుచూస్తున్న అభిమానులకు ట్రైలర్ ట్రీట్‌ను వారం ముందుగానే అందించనున్నట్లు చిత్రబృందం ప్రకటించింది.

అందులో భాగంగా ‘ఇరుముడి’ ట్రైలర్‌ను నేడు సాయంత్రం విడుదల చేయనున్నారు. ట్రైలర్‌లో కథ, పాత్రలు, సినిమా నేపథ్యంపై మరింత స్పష్టత వచ్చే అవకాశం ఉండటంతో అభిమానులతో పాటు సాధారణ ప్రేక్షకుల్లోనూ ఆసక్తి నెలకొంది. ట్రైలర్ ఎలా ఉండబోతుందో తెలుసుకోవాలంటే ఈ సాయంత్రం వరకు వేచి చూడాల్సిందే. ఈ చిత్రానికి జీవీ ప్రకాష్ కుమార్ సంగీతం అందిస్తుండగా, మైత్రి మూవీ మేకర్స్ నిర్మిస్తోంది.