బాధల నుంచి బలంగా బయటపడ్డా- శ్రీజ కొణిదెల

మెగాస్టార్ చిరంజీవి చిన్న కుమార్తె శ్రీజ కొణిదెల తన జీవితంలో ఎదుర్కొన్న కష్టాలు, భావోద్వేగ పోరాటాల గురించి తాజాగా ఓ వీడియో ద్వారా మనసు విప్పారు. ఒక దశలో తన జీవితంలో ఎందుకు వరుసగా సమస్యలు వస్తున్నాయో అర్థం కాక తీవ్రంగా బాధపడ్డానని తెలిపారు. అయితే కాలక్రమేణా ఆ బాధను అధిగమించి, తనను తాను మరింతగా అర్థం చేసుకునే దిశగా ప్రయాణం ప్రారంభించానని చెప్పారు.

జీవితంలో మార్పు రావాలంటే పరిస్థితులను నిందించడం కాకుండా, వాటిని ఎలా మార్చుకోవచ్చో ఆలోచించాల్సి ఉంటుందని శ్రీజ పేర్కొన్నారు. సెల్ఫ్ మాస్టరీ ప్రాజెక్ట్ ద్వారా తన ఆలోచనల్లో స్పష్టత, ఆత్మవిశ్వాసం, ప్రశాంతత పెరిగాయని వెల్లడించారు. గతంలో జరిగిన తప్పులు లేదా బాధలు మన వ్యక్తిత్వాన్ని నిర్ణయించవని, వాటిని దాటి ముందుకు సాగడమే అసలైన విజయం అని ఆమె సందేశమిచ్చారు. ఆమె ధైర్యం, సానుకూల దృక్పథానికి నెటిజన్లు ప్రశంసలు కురిపిస్తున్నారు.