మాదాపూర్‌లో భారీ వర్షం..

హైదరాబాద్‌లోని మాదాపూర్ ప్రాంతంలో భారీ వర్షం కారణంగా వరద పరిస్థితులు నెలకొన్నాయి. రోడ్లపై భారీగా వర్షపు నీరు నిలిచిపోవడంతో వాహనాల రాకపోకలకు తీవ్ర అంతరాయం ఏర్పడింది. ఈ క్రమంలో ఓ డెలివరీ బాయ్ బైక్‌తో సహా ప్రమాదవశాత్తూ నాలాలో పడిపోయాడు. వెంటనే స్పందించిన పోలీసులు, ఎన్డీఆర్‌ఎఫ్ సిబ్బంది అతడిని సురక్షితంగా బయటకు తీసుకొచ్చారు.

మరోవైపు వర్షం కారణంగా మాదాపూర్‌లో భారీగా ట్రాఫిక్ జామ్ ఏర్పడింది. రహదారులపై నీరు నిలిచిపోవడంతో వాహనాల రాకపోకలు నెమ్మదించాయి. వర్షం తగ్గిన తర్వాత వాహనదారులు ఒక్కసారిగా రోడ్లపైకి రావడంతో ట్రాఫిక్ రద్దీ మరింత పెరిగింది. దీంతో ప్రయాణికులు తీవ్ర ఇబ్బందులు ఎదుర్కొన్నారు.