అనిల్ మూవీ షూటింగ్‌లో స్పీడ్ పెరిగిందా?

విక్టరీ వెంకటేష్, కళ్యాణ్ రామ్ హీరోలుగా, కీర్తి సురేష్, కృతి శెట్టి హీరోయిన్లుగా దర్శకుడు అనిల్ రావిపూడి తెరకెక్కిస్తున్న చిత్రం ‘జనవరి 12 విడుదల’. సంక్రాంతి కానుకగా వచ్చే ఏడాది జనవరి 12న ఈ సినిమాను ప్రేక్షకుల ముందుకు తీసుకురానున్నట్లు మేకర్స్ ఇప్పటికే ప్రకటించారు. జీ తెలుగులో ప్రసారమవుతున్న ‘డ్రామా జూనియర్స్’ కార్యక్రమానికి జడ్జిగా వ్యవహరిస్తున్న అనిల్ రావిపూడి షోకు తాజాగా కళ్యాణ్ రామ్, నిర్మాత సాహు గారపాటి హాజరయ్యారు. ఈ సందర్భంగా సినిమాకు సంబంధించిన పలు ఆసక్తికర విషయాలను వెల్లడించారు. వచ్చే సంక్రాంతి తెలుగు చిత్ర పరిశ్రమకు మరింత పెద్ద పండుగగా మారనుందని సాహు గారపాటి ధీమా వ్యక్తం చేశారు.

ఇక సినిమా షూటింగ్‌కు సంబంధించి కళ్యాణ్ రామ్ ఆసక్తికరమైన అప్‌డేట్ ఇచ్చారు. చిత్ర ఫస్ట్ హాఫ్ షూటింగ్ పూర్తయిందని దర్శకుడు అనిల్ రావిపూడి గతంలో చెప్పగా, ఇప్పటికే సెకండ్ హాఫ్‌లోని ఓ కీలక సన్నివేశం కూడా చిత్రీకరించినట్లు కళ్యాణ్ రామ్ తెలిపారు. ఈ క్రమంలో సుడిగాలి సుధీర్ సరదాగా అనిల్ రావిపూడిని ‘ఫ్లాష్‌మ్యాన్’ అని పిలవడంతో కార్యక్రమంలో నవ్వులు పూశాయి. అంతేకాకుండా కళ్యాణ్ రామ్ మైక్ తీసుకుంటే తనకు దడ వస్తుందని అనిల్ రావిపూడి సరదాగా వ్యాఖ్యానించారు. తాజా వివరాలను బట్టి సినిమా షూటింగ్ అనుకున్న దానికంటే వేగంగా కొనసాగుతున్నట్లు తెలుస్తోంది.