ఘనంగా ప్రారంభమైన అలా జరిగిన కథ తొలి ప్రెస్ మీట్

ఎపిఆర్ సినీ క్రియేటివ్ వర్క్స్ బ్యానర్‌ పై రేణుక శ్రీనివాస్ నిర్మాణంలో, ప్రభు సూర్య దర్శకత్వంలో రూపొందుతున్న చిత్రం ‘అలా జరిగిన కథ’ తొలి ప్రెస్ మీట్ ఘనంగా జరిగింది. ఈ చిత్రంలో విజయ్, శీతల్ భట్ జంటగా నటిస్తున్నారు. చిత్రం శ్రీను, రవి వర్మ, శివ రెడ్డి, బిగ్ బాస్ ఫేమ్ జ్యోతి, జబర్దస్త్ రాజమౌళి ముఖ్య పాత్రలు పోషించారు. మహావీర్ సంగీతం అందించగా, కెవి గోలంధర్ ఛాయాగ్రహణం, కొండవీటి రవి కుమార్ ఎడిటింగ్ బాధ్యతలు నిర్వహించారు.

ప్రెస్ మీట్‌లో పాల్గొన్న నటీనటులు, సాంకేతిక నిపుణులు సినిమా కథ, నిర్మాణ విలువలు, తమ పాత్రల గురించి విశ్వాసంతో మాట్లాడారు. తక్కువ బడ్జెట్‌లో మంచి కంటెంట్‌తో రూపొందిన ఈ చిత్రం ప్రేక్షకులను ఆకట్టుకుంటుందని వారు పేర్కొన్నారు.

నిర్మాత రేణుక శ్రీనివాస్ ఈ చిత్రం తమ బ్యానర్ నుంచి వస్తున్న తొలి ప్రయత్నమని తెలిపారు. దర్శకుడు ప్రభు సూర్య కథ పై నమ్మకంతో ఈ ప్రాజెక్ట్ ప్రారంభించామని చెప్పారు. నటుడు విజయ్‌కు ఈ సినిమా మంచి గుర్తింపును తీసుకురాగలదని చిత్రబృందం ఆశాభావం వ్యక్తం చేసింది.

త్వరలో ఈ చిత్రం థియేటర్లలో విడుదల కానుంది. మీడియా మరియు ప్రేక్షకులు తమ సినిమాకు మద్దతు ఇవ్వాలని చిత్రబృందం కోరుకుంది