మాస్‌ మహారాజా ఫ్యాన్స్‌కు గుడ్‌ న్యూస్‌.. మళ్లీ థియేటర్లలో ‘మిరపకాయ్‌’

మాస్‌ మహారాజా రవితేజ అభిమానులను అలరించేందుకు ‘మిరపకాయ్‌’ మరోసారి థియేటర్లలోకి రానుంది. హరీశ్‌ శంకర్‌ దర్శకత్వంలో తెరకెక్కిన ఈ మాస్‌ ఎంటర్‌టైనర్‌ను 4కే నాణ్యతతో గ్రాండ్‌గా మరోసారి విడుదల చేయడానికి చిత్రబృందం సిద్ధమైంది. సెప్టెంబర్‌ 18, 2026న ప్రపంచవ్యాప్తంగా థియేటర్లలో ‘మిరపకాయ్‌ 4కే’ విడుదల కానుంది.

మరోసారి విడుదలకు ఇంకా 25 రోజులు మాత్రమే ఉండటంతో అభిమానుల్లో సందడి మొదలైంది. మాస్‌ వినోదంతో పాటు రవితేజ ఉత్సాహభరిత నటనకు పేరుగాంచిన ఈ చిత్రాన్ని 4కే వెర్షన్‌లో మరోసారి వెండితెరపై వీక్షించేందుకు అభిమానులు ఆసక్తిగా ఎదురుచూస్తున్నారు.