‘ఆదర్శ కుటుంబం’ లో దివ్యేందు శర్మ సరికొత్త పాత్ర

విక్టరీ వెంకటేష్ మరియు త్రివిక్రమ్ శ్రీనివాస్ కాంబినేషన్‌లో తెరకెక్కుతున్న ‘ఆదర్శ కుటుంబం’ చిత్రంలో బాలీవుడ్ నటుడు దివ్యేందు శర్మ కీలక పాత్రలో నటిస్తున్నట్లు వెల్లడైంది. ‘మీర్జాపూర్’ వెబ్ సిరీస్‌లో మున్నా భయ్యాగా గుర్తింపు పొందిన ఆయన, ఈ సినిమాలో పూర్తిగా భిన్నమైన పాత్రలో కనిపించనున్నారు. తెలుగు ప్రేక్షకుల్లో ఇప్పటికే మంచి క్రేజ్ ఉన్న ఆయన టాలీవుడ్‌లో వరుస అవకాశాలు అందుకుంటున్నారు.

ఫ్యామిలీ క్రైమ్ డ్రామాగా రూపొందుతున్న ఈ చిత్రంలో శ్రీనిధి శెట్టి హీరోయిన్‌గా నటిస్తున్నారు. హారిక అండ్ హాసిని క్రియేషన్స్ నిర్మాణంలో తెరకెక్కుతున్న ఈ సినిమాకు ఎస్.ఎస్. తమన్ సంగీతం అందిస్తున్నారు. త్రివిక్రమ్ శ్రీనివాస్ కామెడీ, ఎమోషన్స్‌తో పాటు దివ్యేందు పాత్రలో ప్రత్యేక ట్విస్టులు ఉండనున్నాయని సమాచారం.