సెలబ్రిటీ కూతురి షాకింగ్ కామెంట్స్...ట్రోల్స్‌పై ఫైర్

నటి ఖుష్బూ సుందర్, దర్శకుడు సుందర్ సి దంపతుల కుమార్తె ఆనందిత సుందర్ సెలబ్రిటీల పిల్లలుగా పుట్టడం అదృష్టమే కాకుండా మానసిక ఒత్తిడిని కూడా కలిగిస్తుందని తెలిపింది. స్టార్ ఫ్యామిలీలో పెరగడం వల్ల వచ్చే ఒత్తిడి, విమర్శలను ఎదుర్కోవడం కష్టమని ఆమె పేర్కొంది. ప్రస్తుతం ఆమె క్రియేటివ్ ప్రొడ్యూసర్‌గా, ఎగ్జిక్యూటివ్ ప్రొడ్యూసర్‌గా పని చేస్తోంది.

తాజాగా ఓ పాడ్‌కాస్ట్‌లో పాల్గొన్న ఆమె తన బరువు తగ్గింపు ప్రయాణంపై వస్తున్న ట్రోల్స్‌కు గట్టి సమాధానం ఇచ్చింది. తాను, తన అక్క చిన్నప్పటి నుంచి ఆరోగ్య సమస్యలతో బాధపడ్డామని, 2018 నుంచి క్రమంగా వ్యాయామం, డైట్ పాటిస్తూ మార్పు తెచ్చుకున్నామని తెలిపింది. ఇది ఏడేళ్ల కృషి ఫలితమని, సర్జరీలు లేదా ఇంజెక్షన్లతో వచ్చిన మార్పు కాదని స్పష్టం చేసింది.