వచ్చే నెల థియేటర్లలోకి ‘కార్మేని సెల్వం’

పాత్‌వే ప్రొడక్షన్స్ బ్యానర్‌పై అరుణ్ రంగరాజులు నిర్మాణంలో రామ్ చక్రి దర్శకత్వంలో రూపొందుతున్న తెలుగు – తమిళ ద్విభాషా చిత్రం కార్మేని సెల్వం వచ్చే నెల 3, 2026 న గ్రాండ్ థియేట్రికల్ రిలీజ్‌కు సిద్ధమవుతోంది. ఈ చిత్రంలో విలక్షణ నటుడు సముద్రఖని ప్రధాన పాత్రలో నటించగా, గౌతమ్ వాసుదేవ్ మీనన్ కీలక పాత్రలో కనిపించనున్నారు. ప్రముఖ డిస్ట్రిబ్యూషన్ సంస్థ పీవీఆర్ ఐనాక్స్ పిక్చర్స్ ఈ సినిమాకు అధికారిక థియేట్రికల్ డిస్ట్రిబ్యూషన్ పార్ట్‌నర్‌గా చేరి దేశవ్యాప్తంగా భారీ విడుదలకు సన్నాహాలు చేస్తోంది.

నిజాయితీగా జీవించే ఒక సాధారణ కార్ డ్రైవర్ సెల్వం జీవితాన్ని ఆధారంగా తీసుకుని ఈ కథ సాగుతుంది. ఆధునిక సమాజంలో ఎదురయ్యే ఒత్తిళ్ల మధ్య అతడు ఎలా ముందుకు సాగుతాడో భావోద్వేగంగా చూపించనున్నారు. ఇప్పటికే విడుదలైన ఫస్ట్ లుక్ మంచి ఆసక్తిని రేకెత్తించగా, త్వరలో విడుదల కాబోయే టీజర్‌తో ప్రేక్షకుల్లో మరింత క్యూరియాసిటీ పెంచాలని మేకర్స్ భావిస్తున్నారు.