అలియా భట్ ‘ఆల్ఫా’ టీజర్‌కు అదిరిపోయే స్పందన..

యష్‌రాజ్ ఫిలిమ్స్ స్పై యూనివర్స్ నుంచి వస్తున్న భారీ చిత్రం ‘ఆల్ఫా’ టీజర్ విడుదలై ప్రేక్షకుల్లో భారీ హైప్‌ను సృష్టించింది. అలియా భట్, శార్వరి వాఘ్ ప్రధాన పాత్రల్లో నటిస్తుండగా, బాబీ డియోల్ ‘బాబా’ పాత్రలో కనిపించనున్నారు. శివ్ రావల్ దర్శకత్వంలో తెరకెక్కుతున్న ఈ హై-వోల్టేజ్ యాక్షన్ థ్రిల్లర్ జూలై 3న ప్రేక్షకుల ముందుకు రానుంది.

టీజర్‌లో అలియా భట్ పోషించిన సీత పాత్రకు ఆమె 18వ పుట్టినరోజు రోజునే తొలి స్పై మిషన్ అప్పగించబడుతుంది. ఆ తర్వాత ఆమె ఒక భయంకరమైన యోధురాలిగా మారి శత్రువులను ఎదుర్కొనే సన్నివేశాలు ప్రేక్షకులను ఆకట్టుకుంటున్నాయి. భారీ యాక్షన్ సన్నివేశాలు, గన్‌ఫైట్లు, బాబీ డియోల్ ప్రభావవంతమైన పాత్ర టీజర్‌కు ప్రధాన ఆకర్షణగా నిలిచాయి. దీంతో ‘ఆల్ఫా’పై అంచనాలు మరింత పెరిగాయి.