విదేశీ ప్రయాణికుల కోసం డిజీ యాత్ర ట్రయల్స్ ప్రారంభం

అంతర్జాతీయ ప్రయాణికులకు విమానాశ్రయాల్లో ప్రయాణ ప్రక్రియను మరింత సులభతరం చేసేందుకు కేంద్ర పౌర విమానయాన శాఖ కీలక ముందడుగు వేసింది. దేశంలోని ఏడు ప్రధాన విమానాశ్రయాల్లో విదేశీ ప్రయాణాల కోసం డిజీ యాత్ర సేవలను ప్రయోగాత్మకంగా ప్రారంభించింది. హైదరాబాద్, దిల్లీ, ముంబయి, బెంగళూరు సహా ఏడు విమానాశ్రయాల్లో ఈ ట్రయల్స్ నిర్వహిస్తున్నారు. ఈ సాంకేతిక విధానం ద్వారా ప్రయాణికుల గుర్తింపు ధ్రువీకరణ, విమానాశ్రయ ప్రవేశ ప్రక్రియను వేగవంతం చేయాలని ప్రభుత్వం లక్ష్యంగా పెట్టుకుంది.

ప్రస్తుతం ఈ-పాస్‌పోర్ట్ కలిగిన భారతీయులు ఎయిర్ ఇండియా, ఇండిగో విమానాల్లో ప్రయాణించే సమయంలో ఈ సేవలను వినియోగించుకోవచ్చు. డిజీ యాత్ర విధానంలో డిజిటల్ గుర్తింపు ఆధారంగా ప్రయాణికుల వివరాలను ధ్రువీకరించనున్నారు. ఈ సేవలను దశలవారీగా విస్తరించి 2027 నాటికి దేశవ్యాప్తంగా పూర్తిస్థాయిలో అమలు చేయాలని కేంద్రం ప్రణాళిక రూపొందించింది.