‘లెనిన్’పై అఖిల్‌కు పెరిగిన టెన్షన్

అక్కినేని అఖిల్ హీరోగా నటిస్తున్న ‘లెనిన్’ చిత్రం జూలై 10న ప్రేక్షకుల ముందుకు రానుంది. మురళీ కిషోర్ అబ్బూరు దర్శకత్వంలో తెరకెక్కుతున్న ఈ పీరియడ్ యాక్షన్ డ్రామాలో భాగ్యశ్రీ బోర్సే కథానాయికగా నటిస్తోంది. సుదర్శన్, గెటప్ శ్రీను, బ్రహ్మాజీ కీలక పాత్రలు పోషిస్తుండగా, ఈ చిత్రాన్ని అన్నపూర్ణ స్టూడియోస్, సితార ఎంటర్‌టైన్‌మెంట్స్, మనం ఎంటర్‌ప్రైజెస్ సంయుక్తంగా నిర్మిస్తున్నాయి.

ఇటీవల యాంకర్ సుమతో జరిగిన ఇంటర్వ్యూలో అఖిల్ తనపై తీవ్ర ఒత్తిడి ఉందని వెల్లడించారు. ఈ చిత్రం కోసం ఎంతో కష్టపడ్డానని, తన కెరీర్‌లోనే అత్యుత్తమ నటనను అందించానని చెప్పారు. గత చిత్రాలు ఆశించిన విజయాన్ని అందుకోకపోవడంతో ‘లెనిన్’ విజయం తనకు ఎంతో కీలకమని పేర్కొన్నారు. ఇప్పటివరకు కనిపించిన పాత్రలకు భిన్నంగా ఈ చిత్రంలో గ్రామీణ నేపథ్యంలో మాస్ పాత్రలో అఖిల్ కనిపించనున్నారు.