పీఆర్ వ్యూహాలపై హీరోయిన్ తాప్సీ షాకింగ్ కామెంట్స్

బాలీవుడ్ పబ్లిసిటీ వ్యూహాలపై నటి తాప్సీ పన్ను షాకింగ్ కామెంట్స్ చేశారు. గత రెండు సంవత్సరాలుగా హిందీ సినీ పరిశ్రమలో పీఆర్ వ్యూహాలు ఒక నిర్దిష్ట స్థాయికి చేరాయని, ప్రమోషన్ అంటే కేవలం మన పనిని హైలైట్‌ చేసుకోవడమే కాకుండా, ఇతరులను కిందకు లాగే విధంగా మారిందని ఆమె పేర్కొన్నారు.

తాప్సీ అభిప్రాయం ప్రకారం, మనల్ని ప్రమోట్ చేసుకోవడానికి మరియు ఇతరులను కిందకి లాగడానికి పీఆర్ టీమ్‌కు డబ్బులు చెల్లించాల్సి వస్తున్న పరిస్థితి వస్తోంది. అయితే, ఈ ట్రెండ్‌కు తాను పూర్తిగా దూరంగా ఉందని, తన ప్రమోషన్లలో ఇతరులను కిందకు లాగే పద్ధతులు ఉపయోగించడంలో తాను నిమగ్నం కాదని ఆమె చెప్పారు.