ఓయ్ హీరోయిన్‌ను తలపిస్తున్న లేడీ డైరెక్టర్.. ఆమె ఎవరు? బ్యాక్‌గ్రౌండ్ ఏంటంటే?

సినీ రంగంలో మహిళా దర్శకుల సత్తా పెరుగుతున్న వేళ, శ్రీకాకుళం జిల్లా నుంచి వచ్చిన మానస శర్మ ఇప్పుడు హాట్ టాపిక్‌గా మారారు. నిహారిక కొణిదెల నిర్మించిన ‘రాకాస’ చిత్రానికి దర్శకత్వం వహించిన ఆమె, ప్రీ రిలీజ్ ఈవెంట్‌లో తన లుక్‌తో అందరి దృష్టిని ఆకర్షించారు. నెటిజన్లు ఆమెను ‘ఓయ్’ సినిమాలో నటించిన షామ్లీతో పోలుస్తూ కామెంట్లు చేస్తున్నారు.

రచయిత్రిగా కెరీర్ ప్రారంభించిన మానస శర్మ, షార్ట్ ఫిలిమ్స్ ద్వారా అనుభవం సంపాదించి, 2024లో సోనీ లివ్‌లో వచ్చిన ‘బెంచ్ లైఫ్’తో దర్శకురాలిగా పరిచయం అయ్యారు. ఇప్పుడు ‘రాకాస’తో మరోసారి ప్రేక్షకుల ముందుకు రానున్నారు. ఆమె సింపుల్ లుక్, అమాయకత్వం, తెలుగుదనం కారణంగా సోషల్ మీడియాలో ట్రెండ్ అవుతుండగా, ఈ సినిమాతో ట్రెండ్ సెట్టర్ అవుతుందా అన్న ఆసక్తి నెలకొంది.