పుట్టగొడుగుల తో లాభం, నష్టం ఉందంటున్నా డాక్టర్లు

ఇటీవలి కాలంలో పుట్టగొడుగులు ఆరోగ్యకరమైన ఆహారంగా ఎక్కువ ఆదరణ పొందుతున్నాయి. ఇవి తేలికగా జీర్ణమవుతాయి, రుచికరంగా ఉంటాయి, ప్రోటీన్‌, విటమిన్లు ధనవంతంగా ఉంటాయి. సూప్‌, కూర, పిజ్జా, సలాడ్‌లలో ఇవి విస్తృతంగా వాడబడుతున్నాయి. అయితే కొందరు పుట్టగొడుగులు తింటే ఎలర్జీ వస్తుందనే సమస్యను ఎదుర్కొంటున్నారు. ఈ సమస్య ఎందుకు ఏర్పడుతుందో, ఎవరు దూరంగా ఉండాలి అనేది పరిశీలిద్దాం.

ఆహార ఎలర్జీ ఉన్నవారు, రోగనిరోధక శక్తి తక్కువవారిలో, చర్మం సున్నితమైనవారిలో పుట్టగొడుగుల వల్ల ఎలర్జీ వచ్చే అవకాశం ఎక్కువ. పుట్టగొడుగులలో ఉండే కొన్ని ప్రోటీన్లు ఫంగస్-ఎలర్జీలకు కారణమవుతాయి. సున్నితమైన వ్యక్తులు తినగానే, శరీరం వాటిని హానికరమైనదిగా భావించి హిస్టామిన్ వంటి రసాయనాలను విడుదల చేస్తుంది. ఫలితంగా చర్మ దద్దుర్లు, దురద, వాపు, శ్వాసలో ఇబ్బందులు వంటి లక్షణాలు కనిపిస్తాయి. పుట్టగొడుగులు పండించినవైనా, అడవిలో లభించేవైనా రెండింటిలోనూ అలర్జీకి కారణమయ్యే ప్రోటీన్లు ఉంటాయి. అడవి పుట్టగొడుగుల్లో ప్రోటీన్ ఎక్కువ ఉండే అవకాశం ఉంది. ఫుడ్ ఎలర్జీ ఉన్నవారు పుట్టగొడుగులు తినడం తప్పించాలి, లేకపోతే ఆరోగ్య సమస్యలు ఏర్పడతాయి.

మధుమేహం, రోగనిరోధక శక్తి తక్కువ, గ్యాస్, మలబద్ధకం, అజీర్ణం వంటి సమస్యలున్నవారికి పుట్టగొడుగులు ఎక్కువగా తినడం మరిన్ని ఇబ్బందులు, ఇన్ఫెక్షన్‌లు, అలర్జీ సమస్యలు కలిగించవచ్చు. గర్భధారణ లేదా పాలిచ్చే సమయంలో కూడా పుట్టగొడుగులు తినడం నివారించాలి అని ఆయుర్వేద నిపుణులు సూచిస్తున్నారు.

గమనిక: ఇక్కడ ఇచ్చిన సమాచారం కేవలం అవగాహన కోసం మాత్రమే. దీనికి మేము ఎలాంటి బాధ్యత వహించము. ఏవైనా ఆరోగ్య సమస్యలు ఉంటే తప్పనిసరిగా వైద్యుడిని లేదా న్యూట్రిషనిస్ట్‌ను సంప్రదించి వారి సలహా మేరకు అనుసరించాలి.