వేసవిలో నేరేడు తినాలని వైద్యుల సూచన

వేసవి కాలం ప్రారంభం కాగానే మామిడి పండ్లతో పాటు చిన్న ముదురు ఊదా రంగులో మెరిసే నేరేడు పండ్లు మార్కెట్లో కనిపిస్తాయి. తీపి, పులుపు కలగలిసిన రుచితో ఉండే ఈ పండు కేవలం రుచికోసం మాత్రమే కాదు, ఆయుర్వేదంలో ఒక గొప్ప ఔషధంగా పరిగణించబడుతుంది.

నేరేడు పండు రక్తంలో చక్కెర స్థాయిలను నియంత్రించడంలో సహాయపడుతుంది. ఇందులో ఉండే జాంబోలిన్ అనే మూలకం ఆహారంలోని పిండిపదార్థం త్వరగా చక్కెరగా మారకుండా చేస్తుంది. జీర్ణశక్తిని మెరుగుపరచి గ్యాస్, అజీర్ణం, మలబద్ధకం వంటి సమస్యలను తగ్గిస్తుంది. విటమిన్ సి, యాంటీఆక్సిడెంట్లు సమృద్ధిగా ఉండటం వల్ల చర్మాన్ని రక్షించి మొటిమలు తగ్గిస్తాయి.

ఇందులో ఉండే పొటాషియం గుండె ఆరోగ్యాన్ని కాపాడి రక్తపోటును నియంత్రిస్తుంది. హిమోగ్లోబిన్ స్థాయిలను పెంచి రక్తహీనతను తగ్గిస్తుంది. రోగనిరోధక శక్తిని పెంచి వేసవిలో వచ్చే అనారోగ్యాల నుంచి శరీరాన్ని రక్షిస్తుంది. మొత్తం మీద నేరేడు పండు వేసవిలో శరీరాన్ని చల్లగా, ఆరోగ్యంగా ఉంచే సహజ వరం.

గమనిక: రక్తహీనత తీవ్రంగా ఉన్నవారు స్వయంగా మందులు వాడకుండా ముందుగా రక్తపరీక్షలు చేయించుకుని వైద్యుల సలహా తీసుకోవాలి.