డాక్టర్లు సూచన: గుడ్లు తినేటప్పుడు ఈ తప్పులు మానండి

గుడ్లు పోషకాలతో నిండిన అద్భుతమైన సూపర్ ఫుడ్‌గా గుర్తింపు పొందాయి. బాడీ బిల్డర్స్, ఫిట్‌నెస్ ప్రేమికులు, సాధారణ ప్రజలందరికీ ఇది చౌకైన మరియు ఉత్తమ ప్రోటీన్ మూలం. ఉదయం అల్పాహారం నుంచి వర్కౌట్ డైట్ వరకు గుడ్లు కీలక పాత్ర పోషిస్తున్నాయి. అయితే చాలా మంది గుడ్లు తినే విధానంలో కొన్ని పొరపాట్లు చేస్తున్నారు, దీనివల్ల వాటి అసలు పోషక విలువలు తగ్గిపోతున్నాయి. పోషకాహార నిపుణురాలు శాలిని ప్రకారం, ఒక గుడ్డులో సుమారు 7 గ్రాముల ప్రోటీన్‌తో పాటు విటమిన్ A, B, B12, ఫోలేట్, సెలీనియం వంటి ముఖ్య పోషకాలు ఉంటాయి. కానీ చాలామంది కొలెస్ట్రాల్ భయంతో పచ్చసొనను తీసేయడం పెద్ద తప్పు. ఎందుకంటే ప్రధాన పోషకాలు అన్నీ పచ్చసొనలోనే ఉంటాయి.

ఇంకో ప్రధాన తప్పు గుడ్లను అధికంగా తినడం. రోజుకు ఐదు నుంచి ఆరు గుడ్లు తినడం వల్ల శరీరంలో అదనపు క్యాలరీలు, కొవ్వు చేరి బరువు పెరగడం, జీర్ణ సమస్యలు వచ్చే అవకాశం ఉంది. గుడ్డు తెల్లసొనలో స్వచ్ఛమైన ప్రోటీన్ ఉండి కండరాల పెరుగుదలకు ఉపయోగపడుతుంది. పచ్చసొనలో హెల్తీ ఫ్యాట్స్, విటమిన్లు, ఖనిజాలు ఉండి మెదడు పనితీరు, హార్మోన్ సమతుల్యతకు సహాయపడుతుంది. పూర్తిగా ఆరోగ్యంగా ఉన్నవారు రోజుకు 1–2 గుడ్లు తినవచ్చు. బరువు తగ్గాలనుకునేవారు లేదా కొలెస్ట్రాల్ ఉన్నవారు వైద్యుల సలహాతో పచ్చసొనను పరిమితం చేసి తెల్లసొనను మాత్రమే తీసుకోవడం మంచిది.

గమనిక: రక్తహీనత తీవ్రంగా ఉన్నవారు స్వయంగా మందులు వాడకుండా ముందుగా రక్తపరీక్షలు చేయించుకుని వైద్యుల సలహా తీసుకోవాలి.