శీతాకాలంలో ఈ ఫుడ్స్ కి దూరంగా ఉండండి – డాక్టర్ల హెచ్చరిక

శీతాకాలం వచ్చిందంటే చాలు జలుబు, దగ్గు, గొంతు ఇన్ఫెక్షన్లు వంటి సమస్యలు ఎక్కువవుతాయి. ఈ సమయంలో శరీర రోగనిరోధక శక్తి తగ్గే అవకాశం ఉండటంతో ఆహారంపై ప్రత్యేక శ్రద్ధ అవసరమని వైద్యులు సూచిస్తున్నారు. ముఖ్యంగా అధిక రక్తపోటు, మధుమేహం, అస్తమా, శ్వాస సంబంధిత సమస్యలు ఉన్నవారు మరింత జాగ్రత్తగా ఉండాలి.

చలికాలంలో ఫ్రిజ్‌లో ఉంచిన చల్లటి పదార్థాలు, ఐస్‌క్రీమ్స్, కూల్ డ్రింక్స్ తినడం వల్ల గొంతు ఇన్ఫెక్షన్లు, జలుబు, సైనస్ సమస్యలు రావచ్చు. అలాగే ఎక్కువగా చక్కెరతో చేసిన స్వీట్స్ తీసుకోవడం రోగనిరోధక శక్తిని తగ్గిస్తుంది. ప్రాసెస్ చేసిన ఆహారం, మైదాతో చేసిన పదార్థాలు, వేయించిన ఫుడ్స్ జీర్ణ సమస్యలు, బరువు పెరగడానికి కారణమవుతాయి. రాత్రిపూట ఎక్కువగా తినడం వల్ల గ్యాస్, ఎసిడిటీ సమస్యలు వస్తాయని వైద్యులు చెబుతున్నారు.

చలికాలంలో పాలు, పెరుగు జలుబు ఉన్నవారు తగ్గించాలి. అవసరమైతే పసుపు, మిరియాల పొడి కలిపిన పాలు మంచివిగా పనిచేస్తాయి. ఎక్కువ కాఫీ తాగడం వల్ల డీహైడ్రేషన్, నిద్రలేమి వస్తాయి. కాబట్టి హెర్బల్ టీ లేదా బెల్లం టీ పరిమితంగా తీసుకోవాలి. అలాగే గదిలో గాలి ప్రవాహం ఉండేలా చూడాలి. పడుకునే ముందు చేతులు, పాదాలకు నూనెతో మసాజ్ చేయడం, స్నానం తర్వాత మాయిశ్చరైజర్ వాడటం చర్మాన్ని కాపాడుతుంది.

గమనిక: ఈ సూచనలు సాధారణ ఆరోగ్య సమాచారం మాత్రమే. మీకు దీర్ఘకాలిక సమస్యలు ఉంటే తప్పనిసరిగా డాక్టర్‌ను సంప్రదించండి.