‘పెద్ది' క్లైమాక్స్ లో రామ్ చరణ్ అలా కనిపించనున్నారా?

మెగా పవర్ స్టార్ రామ్ చరణ్ హీరోగా తెరకెక్కుతున్న ‘పెద్ది’ సినిమా ప్రేక్షకుల్లో భారీ ఆసక్తిని రేపుతోంది. బుచ్చి బాబు సనా దర్శకత్వంలో రూపొందుతున్న ఈ రూరల్ స్పోర్ట్స్ డ్రామా ఇప్పటికే టీజర్, గ్లింప్స్, పాటలతో మంచి హైప్ సంపాదించింది. ‘ఉప్పెన’తో సక్సెస్ సాధించిన దర్శకుడు ఈసారి మరింత పెద్ద కాన్సెప్ట్‌తో వస్తున్నాడు. ముఖ్యంగా క్లైమాక్స్‌లో ఓ షాకింగ్ ట్విస్ట్ ఉండబోతుందనే వార్తలు హాట్ టాపిక్‌గా మారాయి.

ఈ సినిమాలో జాన్వీ కపూర్ హీరోయిన్‌గా నటిస్తుండగా, శివ రాజ్ కుమార్, బాలీవుడ్ నటుడు దివ్వేందు అలాగే జగపతిబాబు, సత్య తదితరులు కీలక పాత్రల్లో కనిపించనున్నారు. సంగీతాన్ని ఏ.ఆర్. రెహమాన్ అందిస్తుండగా, మైత్రి మూవీ మేకర్స్, సుకుమార్ రైటింగ్స్ సంస్థలు ఈ సినిమాను భారీ బడ్జెట్‌తో నిర్మిస్తున్నాయి. గ్రామీణ నేపథ్యంలో తెరకెక్కుతున్న ఈ సినిమాలో చరణ్ రా అండ్ రస్టిక్ లుక్‌లో కనిపించనున్నారు. ఇటీవల క్లైమాక్స్ గురించి వస్తున్న వార్తలు సోషల్ మీడియాలో వైరల్ అవుతున్నాయి. ‘ఉప్పెన’లో వచ్చినట్టు ఇక్కడ కూడా ఓ అనూహ్య ట్విస్ట్ ఉంటుందనే టాక్ వినిపిస్తోంది. తాజాగా బయటకు వచ్చిన ఫోటోలో చరణ్ బల్క్ బాడీతో కనిపించగా, కాళ్లు స్పష్టంగా కనిపించకపోవడంతో కథలో ఏదైనా షాకింగ్ ఎలిమెంట్ ఉందా అనే చర్చ మొదలైంది. ఇది కేవలం ఫోటో యాంగిల్ మాత్రమేనా? లేక కథలో భాగమా? అన్నది ఆసక్తికరంగా మారింది.

మరోవైపు ఈ సినిమాలో స్పెషల్ సాంగ్ కూడా హైలైట్ కానుంది. ఒకే హీరోయిన్‌తో కాకుండా, నలుగురు లేదా ఐదుగురు హీరోయిన్లతో భారీ డాన్స్ నంబర్ ప్లాన్ చేస్తున్నారని సమాచారం. రామ్ చరణ్ డాన్స్‌కు పేరుగాంచినందున ఈ పాట థియేటర్లలో పెద్ద హిట్ అవుతుందని అభిమానులు భావిస్తున్నారు. ప్రస్తుతం సినిమా షూటింగ్ చివరి దశలో ఉండగా, ఇంకా కొన్ని ముఖ్యమైన సన్నివేశాలు, స్పెషల్ సాంగ్ షూట్ మిగిలి ఉన్నాయి. ఈ పాటకు ఏ.ఆర్ రెహమాన్ ఎనర్జిటిక్ ట్యూన్ ఇచ్చారని టాక్. వచ్చే నెల 30 న ప్రపంచవ్యాప్తంగా విడుదల కానున్న ఈ సినిమా చరణ్ కెరీర్‌లో మరో మైలురాయిగా నిలుస్తుందా అనే ఆసక్తి అందరిలోనూ పెరుగుతోంది.