విశ్వంభరలో హనుమాన్ కీలక మెంబర్ ఎంట్రీ?

మెగాస్టార్ చిరంజీవి ప్రధాన పాత్రలో రూపొందుతున్న ఫాంటసీ చిత్రం ‘విశ్వంభర’పై అంచనాలు రోజురోజుకీ పెరుగుతున్నాయి. దర్శకుడు వశిష్ఠ ఈ సినిమాను భారీ స్థాయిలో తెరకెక్కిస్తున్నాడు. ఈ ప్రాజెక్ట్‌కు సంబంధించి సంగీత విభాగంలో మార్పు జరిగిందని సమాచారం. మొదట సంగీతం అందించాల్సిన ఎం.ఎం. కీరవాణి స్థానంలో గౌర హరి వచ్చారని టాక్ వినిపిస్తోంది.

‘హనుమాన్’ సినిమాతో గుర్తింపు పొందిన గౌర హరి ఇప్పుడు ఈ భారీ ప్రాజెక్ట్‌లో భాగమవడం ప్రత్యేకంగా మారింది. ఆయన బ్యాక్‌గ్రౌండ్ స్కోర్ పనులు ఇప్పటికే ప్రారంభించినట్లు తెలుస్తోంది. ఫాంటసీ, విజువల్ ఎఫెక్ట్స్ ప్రధానంగా ఉన్న ఈ చిత్రానికి అతని సంగీతం కొత్త ఊపును ఇవ్వగలదని భావిస్తున్నారు. చిరంజీవి, త్రిష జంటగా నటిస్తున్న ఈ సినిమా పాన్ ఇండియా స్థాయిలో విడుదల కానుంది.