ప్రభుత్వానికి కళ్లు, చెవులు విప్‌లే – ప్రభుత్వ విప్‌లతో సమావేశంలో ముఖ్యమంత్రి రేవంత్ రెడ్డి

ముఖ్యమంత్రి రేవంత్ రెడ్డి ప్రభుత్వం కోసం విప్‌లు కళ్లు, చెవులుగా పనిచేస్తారని అన్నారు. శనివారం MCRHRDలో జరిగిన శాసనసభ, శాసనమండలి విప్‌ల సమావేశంలో ప్రజా సమస్యలపై సమీక్ష నిర్వహించారు. వేసవి నేపథ్యంలో తాగునీరు, సాగునీటి అవసరాలు, ధాన్యం సేకరణ పురోగతి వంటి అంశాలను విప్‌లు సీఎం దృష్టికి తీసుకెళ్లారు.

ధాన్యం సేకరణను వేగవంతం చేయాలని, ప్రజా సమస్యలను వెంటనే పరిష్కరించాలని సీఎం ఆదేశించారు. ప్రజలతో నిరంతరం సంబంధం కొనసాగిస్తూ స్థానిక అధికారులతో సమన్వయం చేయాలని సూచించారు. వారానికి ఒక రోజు విప్‌లకు అందుబాటులో ఉంటానని సీఎం తెలిపారు.