వందేమాతరం దేశ నిర్మాణ మంత్రం: అమిత్ షా

కేంద్ర హోం మంత్రి అమిత్ షా ఎన్‌డీపీఎస్ చట్టాన్ని సవరించి లోపాలను తొలగించేందుకు ప్రభుత్వం చర్యలు తీసుకుంటోందని తెలిపారు. దిల్లీలో జరిగిన నార్కో-కోఆర్డినేషన్ సెంటర్ సమావేశంలో మాట్లాడిన ఆయన, రాష్ట్రాలు సవరణలపై సూచనలు ఇవ్వాలని కోరారు. మాదకద్రవ్యాల సరఫరాదారులపై కఠిన చర్యలు అవసరమని పేర్కొన్నారు.

గత దశాబ్దంతో పోలిస్తే భారీగా డ్రగ్స్ స్వాధీనం చేసుకున్నట్లు ఆయన వెల్లడించారు. డ్రగ్స్ నియంత్రణ కోసం “గుర్తించు, అడ్డుకో, నాశనం చేయు” అనే మూడు దశల వ్యూహాన్ని ప్రకటించారు. అలాగే వందేమాతరాన్ని దేశ పునర్నిర్మాణానికి తోడ్పడే మంత్రంగా అభివర్ణించారు.