వేగవంతమైన వైద్యం కోసం ద్విచక్ర అంబులెన్సులు

కేంద్ర ప్రభుత్వం మోటారు వాహన నిబంధనలు-1989లో సవరణలు చేస్తూ ద్విచక్ర వాహనాలను అంబులెన్సులుగా వినియోగించేందుకు అనుమతి ఇవ్వాలని ప్రతిపాదించింది. గ్రామీణ మరియు మారుమూల ప్రాంతాల్లో వేగవంతమైన వైద్య సేవలు అందించడమే ఈ నిర్ణయ లక్ష్యంగా పేర్కొంది. ఎల్2 కేటగిరీకి చెందిన ద్విచక్ర వాహనాలను అంబులెన్సులుగా వినియోగించేందుకు అనుమతించనున్నట్లు వెల్లడించింది.

ఈ వాహనాల నిర్వహణ, రిజిస్ట్రేషన్‌, ఫిట్‌నెస్‌కు ప్రత్యేక నిబంధనలు అమలు చేయనున్నట్లు కేంద్రం తెలిపింది. రాష్ట్ర ప్రభుత్వాలు గుర్తించిన ప్రాంతాల్లోనే వీటిని అనుమతించనున్నారు. ముసాయిదా నోటిఫికేషన్‌పై 30 రోజుల్లో అభ్యంతరాలు, సూచనలు స్వీకరించి, అనంతరం తుది నోటిఫికేషన్‌ జారీ చేయనున్నట్లు కేంద్రం వెల్లడించింది.