తెలంగాణలో మయోనైజ్‌పై ఏడాది నిషేధం

తెలంగాణ ప్రభుత్వం పచ్చి గుడ్లతో తయారుచేసే మయోనైజ్‌పై కీలక నిర్ణయం తీసుకుంది. ఈ ఉత్పత్తి తయారీ, విక్రయాలు, నిల్వలపై ఏడాది పాటు నిషేధం విధించింది. అక్టోబర్ 30 నుంచి ఈ నిషేధం అమల్లోకి వస్తుందని పేర్కొంటూ రాష్ట్ర ప్రభుత్వం గెజిట్ నోటిఫికేషన్ విడుదల చేసింది. ఆహార భద్రతను దృష్టిలో ఉంచుకుని ఈ నిర్ణయం తీసుకున్నట్లు వెల్లడించింది.

పచ్చి గుడ్లతో తయారుచేసే మయోనైజ్‌లో సాల్మొనెల్లా బ్యాక్టీరియా ఉండే ప్రమాదం ఉందని, దీని కారణంగా ఆహార కలుషిత ఘటనలు, అనారోగ్య సమస్యలు తలెత్తుతున్నట్లు అధికారులు గుర్తించారు. ఈ నేపథ్యంలో ప్రజారోగ్య పరిరక్షణ కోసం ప్రభుత్వం నిషేధం విధించింది. నిబంధనలను ఉల్లంఘించి మయోనైజ్‌ను తయారుచేసినా, విక్రయించినా లేదా నిల్వ చేసినా సంబంధిత వ్యాపారులపై జరిమానాలు విధించడంతో పాటు లైసెన్సులు రద్దు చేసే అవకాశం ఉంది.