న్యూస్ కవరేజ్‌లో ఘోర హెలికాప్టర్ ప్రమాదం

అమెరికాలోని లాస్ ఏంజెల్స్‌లోని చాట్స్‌వర్త్ ప్రాంతంలో మంగళవారం సాయంత్రం ఘోర ప్రమాదం చోటుచేసుకుంది. మెట్రో బస్సును ఓ ఎస్‌యూవీ ఢీకొన్న ప్రమాదాన్ని కవర్ చేసేందుకు పలు న్యూస్ హెలికాప్టర్లు గాల్లో ఉన్న సమయంలో ఓ న్యూస్ హెలికాప్టర్ ఒక్కసారిగా అదుపుతప్పి వాణిజ్య భవనాల మధ్య కూలిపోయింది. బస్సు ప్రమాదంలో ఇద్దరు మృతి చెందగా, పలువురు గాయపడ్డారు. హెలికాప్టర్ ప్రమాదంలో ముగ్గురు మృతి చెందగా, మరో వ్యక్తిని ఆసుపత్రికి తరలించినట్లు అధికారులు తెలిపారు.

హెలికాప్టర్‌లోని కెమెరాలో నమోదైన దృశ్యాల్లో తొలుత బస్సు ప్రమాదం జరిగిన ప్రాంతం కనిపించగా, ఆ తర్వాత హెలికాప్టర్ ఒక్కసారిగా కిందకు దూసుకెళ్లడం, కెమెరా తీవ్రంగా కదలడం కనిపించింది. ప్రమాదానికి గల కారణం ఇంకా అధికారికంగా నిర్ధారణ కాలేదు. హెలికాప్టర్ పూర్తిగా ధ్వంసమైనట్లు లాస్ ఏంజెల్స్ ఫైర్ డిపార్ట్‌మెంట్ తెలిపింది. ఘటనపై ఫెడరల్ ఏవియేషన్ అడ్మినిస్ట్రేషన్, నేషనల్ ట్రాన్స్‌పోర్టేషన్ సేఫ్టీ బోర్డు దర్యాప్తు చేస్తున్నాయి.