అమెరికాలో భారతీయుడికి భారీ ప్రాజెక్ట్‌

అమెరికాలో భారీ ఎల్‌ఎన్‌జీ (ద్రవీకృత సహజ వాయువు) ఎగుమతి ప్రాజెక్టుకు ప్రభుత్వం అనుమతి మంజూరు చేసింది. టెక్సాస్‌ తీరంలో సుమారు 8.2 బిలియన్‌ డాలర్ల వ్యయంతో డీప్‌వాటర్‌ ఎల్‌ఎన్‌జీ ఎగుమతి పోర్టును నిర్మించేందుకు గ్రీన్‌ సిగ్నల్‌ ఇచ్చింది. భారత సంతతికి చెందిన శరద్‌ తక్‌ ఈ ప్రాజెక్టుకు నేతృత్వం వహిస్తున్నారు. ఈ పోర్టు అందుబాటులోకి వస్తే అమెరికా ఎల్‌ఎన్‌జీ ఎగుమతి సామర్థ్యం 7 నుంచి 9 శాతం వరకు పెరిగే అవకాశం ఉందని అంచనా వేస్తున్నారు.

ఈ ప్రాజెక్టు నిర్మాణం, నిర్వహణ దశల్లో వేలాది మందికి ఉద్యోగ అవకాశాలు లభించనున్నాయి. 2027లో నిర్మాణ పనులు ప్రారంభించి, 2029 నాటికి పోర్టును అందుబాటులోకి తీసుకురావాలని లక్ష్యంగా పెట్టుకున్నారు. అమెరికా ఇంధన ఎగుమతులకు ఈ ప్రాజెక్టు మరింత ఊతమిస్తుందని భావిస్తున్నారు. భారత సంతతికి చెందిన శరద్‌ తక్‌ నేతృత్వంలో ఈ భారీ ప్రాజెక్టు చేపట్టడం ప్రత్యేక ప్రాధాన్యం సంతరించుకుంది.