నేడు ఢిల్లీలో ఇండియా కూటమి భారీ నిరసన ర్యాలీ

‘ఓట్ బచావ్.. దేశ్ బచావో’ నినాదంతో ఇండియా కూటమి నేడు దేశ రాజధాని ఢిల్లీలో భారీ నిరసన ర్యాలీ నిర్వహించనుంది. ‘ఛలో ఢిల్లీ’ పేరుతో చేపట్టనున్న ఈ కార్యక్రమానికి రామ్‌లీలా మైదానంలో విస్తృత ఏర్పాట్లు చేస్తున్నారు. ఈ ర్యాలీకి సుమారు 10 లక్షల మంది హాజరవుతారని కూటమి నేతలు అంచనా వేస్తున్నారు. ఓటు హక్కు పరిరక్షణ, ఎన్నికల ప్రక్రియలో పారదర్శకత, ప్రజాస్వామ్య విలువల పరిరక్షణ లక్ష్యంగా ఈ నిరసన చేపడుతున్నారు.

ఈ సందర్భంగా ఎన్నికల కమిషన్ ముందు ఇండియా కూటమి మూడు ప్రధాన డిమాండ్లను ఉంచనుంది. ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని, 2023 ఎన్నికల కమిషన్ చట్టాన్ని రద్దు చేయాలని, ఓటర్ల జాబితాల ప్రత్యేక సమగ్ర సవరణ (SIR) ప్రక్రియను తక్షణమే నిలిపివేయాలని కోరనుంది. ఓటర్ల జాబితాల నుంచి తొలగించిన పేర్లను తిరిగి చేర్చడంతో పాటు, బ్యాలెట్ పేపర్ల ద్వారా ఎన్నికలు నిర్వహించాలని కూటమి నేతలు డిమాండ్ చేస్తున్నారు.